政府敵視單車，豈能躋身國際都會？

香港有沒有可能推出類似的自助單車租賃？互聯網專業協會副會長陳家豪認為，在香港推行類似的自助單車App有難度，比如實名認證，很多港人會覺得侵犯隱私不願意提供，但為防止單車丟失，這是需要的步驟；另外因為牽涉到利益，或被一些出租單車店和議員反對。不過他認為單車共享值得嘗試，如上水、大埔或梅窩等地的區議會可以先小規模試行，如由本區市民夾錢買單車，還可以解決廢棄爛單車成堆的問題。

沙田區議會大型交通建設及單車網絡發展工作小組早於三年前就發布研究報告，建議在沙田建立自助單車租賃系統，但迄今未得到採納。沙田區議員、區議會交通及運輸委員會主席李世榮稱，沙田一些區域如馬鞍山到大學站已經有單車徑，有條件做自助單車租賃系統，或者在一些人流較多地區做點到點的單車接駁站，如大學站到香港科學園的路程實際很短，卻需要搭乘巴士，若有單車會方便很多。他稱感覺政府一方面在宣傳綠色環保，另一方面卻無誠意推動單車出行，自相矛盾。

財經界有名的「單車上班族」、Bricks and Mortar創辦人兼總裁王震宇直言，市區很多地區並無提供單車通行的道路，也不夠地方停泊單車才是關鍵，「政府對汽車泊車考慮得非常周到，卻當單車無到」。

「代表文明進步 沒理由不推行」

王震宇直斥政府「懶」，一些官員整天把環保掛在嘴邊，卻忽視市民對單車出行的需要，非常虛偽。反問倫敦、紐約都曾致力於減少私家車流量，為單車騰出空間，為何香港不行？他稱，「一些人仍敵視單車，認為是低等交通工具，這種心態要改變，其實騎單車是城市文明進步的象徵，沒理由香港不推行。」


原文載於明報 20170130 【實名認證礙港推行】

延伸閱讀:
踏單車上班 鼓勵環保生活

其他相關報導：
科網龍頭「單車租賃App」開戰 騰訊入股MoBike 滴滴拍住ofo
GPS定位二維碼開鎖
滬用家﹕收費廉 常使用

倫敦市長身先士卒，香港特首何時起錨？

今日筆者對呢位衣著唔多整齊，外貌略似亞燦嘅倫敦市長波理士莊遜（Boris Johnson）敬意大增，何解？因為讀咗佢零九年八月喺《每日電訊報》撰文倡議保守黨政府廢除年消費二千萬英鎊嘅「部長座駕」呢項福利，令英國呢班數目上百（！）嘅高級公僕更加接近群眾，同時為納稅人慳番巨款。吾所欽佩者不但係呢位仁兄嘅創新見地同挑戰權貴之勇氣，更第一次接觸到佢嘅鬼馬生趣嘅文筆，能嬉笑怒罵間令讀者折服於其感染力之下，值得一讀【註】。

更令人折服嘅係呢位倫敦市民普選出嚟嘅市長原來身體力行，經常以單車代步返工！就算喺紐約，市長彭博都經常坐地鐵上班，相比之下，香港特首同旗下眾高官就似乎相形見絀—有幾多位讀者有見過本港嘅一眾司、局、署長平時係行路或踩單車返工？就喺去年九月莊遜撰文之時，香港綠色和平有咁啱送咗駕單車畀特首曾蔭權，邀請佢以身作則實踐低碳生活，於合理步行範圍內棄用私家車，改用單車及步行，為氣候變化而努力；唔知時至今日，曾先生又有幾次棄用特首座駕而騎單車或步行往來禮賓府三百米外嘅教堂及距離更短嘅政府合署？

港府歧視單車與文明管治格格不入

上文所提及嘅喺莊遜市長喺七月三十號再創新猷，喺倫敦市推出劃時代嘅全市單車租賃計劃：當日倫敦同時推出五千駕單車，分佈於市內三百一十五個泊位點，並有一萬二千市民登記成為呢個單車會嘅會員，實在令人振奮！

市長喺致辭時形容呢個係「使倫敦成為最偉大嘅單車城市嘅一場聖戰（crusade）」，並會喺短期內增加計劃中單車嘅數目至六千輛，泊位四百個。與此同時，倫敦2012奧運組織亦大力配合，制定「百分百觀眾以公共交通工具、步行、及騎單車三種模式到達場地」呢個目標。
由倫敦喺單車政策上嘅領先可見呢個城市由上至下對環保、健康、生活質素嘅高度重視同全城參與，比起香港處處排擠單車，樣樣汽車掛帥真係高下立判。

篇幅所限，需另文討論各國單車計劃嘅優劣。最後留俾大家一項驚人數字，希望能令本地當政者聞之慚愧，早日懸崖勒馬：去年被政府因「非法泊車」而沒收嘅單車竟達一萬零八百之數！香港如此「迫害」環保健康嘅單車而追捧浪費折壽嘅汽車，實惡法也！

鼓勵單車殊甚容易，施政報告已可實施

望特首高瞻遠矚，從德政而納單車—包括闢單車徑、撥汽車位為單車位、研究港版單車租賃計劃等等—呢啲都係簡單易行，成本低廉嘅政策，更係文明社會所向。希望特首能趕喺十月施政報告宣佈，則香港有救，地球得赦，民望可歸矣。

註： http://www.telegraph.co.uk/comment/columnists/borisjohnson/6116598/David-Camerons-first-task-should-be-to-get-his-ministers-out-of-their-cars.html

環保交通 單車爲首

除咗上期講到香港海旁綠化及行人化嘅重要性之外，另一未來會越來越重要嘅城市規劃趨勢將會係交通呢項活動嘅環保化及健身化—即係隨着文化高度發展，市民對健康嘅要求提升，會有越嚟越多嘅市内交通由雙腳（行又得，跑又得），人力驅動工具（滾軸溜冰鞋其一，單車其二），甚至人力車來提供。

喺今日嘅香港呢個概念可能係有啲天方夜譚嘅味道，但係四五年前佢已經喺紐約同倫敦開始風行，至今唔單止歷久不衰，直情係更加發揚光大；唔信各位睇睇以下倫敦City金融區内所拍相片爲證，爲筆者09年下旬實地攝得。至於紐約就更巴閉！而家唔單只單車送文件嘅後生通街都係，連人力三輪車都越嚟越普遍，佢哋唔單只平過的士，仲唔受塞車影響，好易就去到目的地；當然喺紐約仲有一個港英都冇嘅公共交通工具，就係中央公園附近嘅馬車啦（見附圖）！咁點解人哋呢啲世界一流城市能夠成功推廣普及咁健康咁環保嘅交通模式，而香港就無汽車而不歡呢？

原因有叁：一）香港地小山斜，人多車逼，不適宜有轆嘅人力交通工具；二）香港天氣酷熱潮濕，無理由到咗目的地臭汗淋漓之下去番工，更遑論拍拖也！三）其實最主要原因就係冇政府政策上嘅鼓勵同配合—由下面嘅相可見，倫敦呢個路彎巷窄嘅老城市都有器度同信心去推動單車作爲一種交通工具，並喺最繁忙嘅要道上畫出單車專線，咁點解香港就除咗沙田大埔有啲消閒單車路外，呢個咁優質嘅交通模式係市區卻幾近絕跡呢？點解唔闢多啲冇咁斜嘅山路？又點解唔起多啲公共淋浴及泊單車場？

唔通係政府怕出交通事故（唔少本港嘅山路又的確係好驚險）？但係成個柴灣至貝沙灣，由九龍灣至荃灣到都可以喺海旁平地平穩飛馳噃！定係官員更怕自己揸車嗰陣俾單車喺前面拖慢行程？唔似啫。咁剩低就只有一個可能原因，就係政府部門間壁壘分明，互不相通呢個死結；加上少做少錯心理，仲有邊個伸個頭出嚟做大事？

香港實在係時候重新檢討下交通策略同未來社會嘅可持續性。鄭局長，點睇呀？