HK medical reform - more skeletons falling out of the cupboard?

How opportune that so soon after our analysis (see here and here) highlighting that the whole problem with the HK medical establishment is its own conflict of interest with the people, that the article below appears to throw up evidence that supports our analysis. Here are some of extracts:


--------begin extract--------

醫管局高層有幾無能？


... 據《眾新聞》報道，醫管局花 $2億聘「炒散」護士，食衞局前局長高永文任董事公司中標袋 $1 億


...香港政府已經給了醫管局 600 多億、28,000 張床和 76,000 名員工，醫管局卻年年說不夠錢、不夠人。


...醫管局元老級領導楊永強難辭其咎，但他居然無認真檢討自己的責任，還出來指指點點...曾任食物及衞生局副局長的梁卓偉，巧合地在近日批醫管局官僚。


...醫管局當年答應請大學研究合理診症時間，但報告無下文。



--------begin extract--------Without proper reform of the power structure top down, the rotten situation will cured

打破醫療寡頭壟斷，香江急需引進專才

今日追評返過去兩星期嘅關乎「香港能否成為亞洲醫療中心、醫術研究一哥」呢個問題嘅幾則見聞，以喚醒政府避免喺另一個支柱行業上再出現「本來宏圖大計，實則虎頭蛇尾」嘅窘態……

亞洲富豪去星洲

南華早報報道，星加坡女外科醫生Susan Lim，喺為汶萊皇族醫病後收取天價費用，佢高達一億五千六百萬港元嘅賬單係基於七個月嘅服務，而每日費用達二十萬星幣之巨！呢則新聞令人發問：1）點解皇族唔嚟香港？係唔係呢度啲醫生嘅英文唔夠星加坡人流利？定係技不如人？2）星加坡、泰國、印度等亞洲國家喺醫療旅遊業聲譽日隆之際，點解香港仲停留喺人手不足，水準下降嘅爭議之上？點解香港仲喺度排擠外來病人？3）點解人哋嘅醫療訓練完全唔喺星加坡（畢業於澳洲Monash大學，見林醫生嘅維基百科）都可以返家鄉為國爭取外匯，而本港喺海外畢業嘅醫生竟然被祖家拒諸門外？

倫敦醫院如聯合國，香港醫院如港大舊生會？

更離譜嘅就係，有朋友最近喺倫敦嘅倫敦橋（私家）醫院就醫，發覺為佢手術嘅四位主診醫生中有兩位係英國人，一位係蘇格蘭人，一位係印度人，而佢所處之深切治療部內嘅護士更由菲律賓藉，法籍，津巴布韋藉，紐西蘭藉，拉脫人藉，至西印度群島藉都有！此外，駐院醫生乃東歐藉醫生及香港嗤之以鼻嘅海外華人醫生（馬來西亞藉）。咁全面國際化嘅團隊所能匯集嘅醫療技術、文化了解、專業知識，又邊係香江個排外制度所能複製？唔怪之得呢個醫院內四處都係阿拉伯文告示，以及眾多嘅阿拉伯文翻譯候命隨時為呢班產油國大孖沙服務。呢種超強嘅賺外匯能力，又豈是香江可望其項背？

相反過來，如果大家上本港第一私院—養和醫院嘅名冊去睇睇，就會發覺佢認真單一：喺80多位醫生內，有57位係港大畢業，9位係中大畢業，1位係香港考牌資格嘅醫生，其餘以美國（7位）同澳洲（4位）為主。但係好明顯，嗰啲非港大中大醫生大部份都係年過青壯，睇嚟多數係港英時代留下嘅「餘孽」，咁唔駛十年卄年，豈不是種族清洗，剩低只有「港、中」嘅純正血統？咁又係對本港市民有利定有害呢？

因此之故，醫學界「聲討」醫管局海外醫生招聘計劃（見：http://orientaldaily.on.cc/cnt/news/20110613/00176_027.html）又會唔會與市民嘅利益作對？咁係唔

係周局長喺面對議員質詢時，唔應該支吾以對（見：
http://www.legco.gov.hk/yr07-08/chinese/counmtg/hansard/cm1212-translate-c.pdf），而係勇敢地提議

將醫委會發牌嘅權力收回政府手上？點解周局長唔提議將醫務委員會嘅提名及會員資格放鬆到唔係24個醫生對4個非醫生，而係14個非醫生對14個醫生以平衡用家權益（而家好明顯委員會只會照顧行內利益）？

唔通呢個又係一個要到下屆特首先有人有勇氣去解決嘅問題？點解香港越來越冇人去為利民而施政？反而反智無聊嘅遞補機制立法卻全數推進？咁樣落去，下一個離港移民潮仲會遠咩？